Tarihten Bir Belge

TARİH

CEZMİ YURTSEVER

TARİHTEN BİR BELGE

TELGRAF NAME

GELDİĞİ MAHAL: Andırın

MÜRSEL İLEYHA OLAN:

MÜTEVASSIF OLAN: Yozgat

NUMARASI: 132

KELİME: 424

TARİHİ: 322

MAKAMI MUALLÂYI SERASKERİYE

Göksun nahiyesi Zeytunla Haçin kasabaları arasında bulunmasından dolayı ehemmiyet hususu kazanıyorsa ahali mecmuasının Çerkez Kürt Türk gibi Kabail-i aşayirden ibaret arazisinin basit olması düşmanın taarruzuna maruz bulunması his edilen muhareze vakiden Andırın kasabası Göksundan ziyade haizi ehemmiyettir ki Zaytun Andırın kasabasına şöyle ki Davıtlı bundan kiyan Fransız mifal isimleriyle yadolunan ve yek diğerine birer buçuk saat mesafe ile İslam namı bulunmayan Ermeni karayı cesimileriyle muttasıldır. Hadise-i mündefiada zeytunla karayı maruza Ermeni eşkiyası Andırın kasabasına iki saat mesafede bulunan şöyle ki karyesinde ictima ederek kasabada asker ve ahalinin bulunmaması ecelden hücumla hükümeti ihrak ahaliyi firara mecbur mallarını yağma etmeleriyle müsaittir. Bununla beraber Andırın kasabası Ermenilerin arzu kahır olup Kilikya denilen sisine mücavir olmak İskenderun Mersin iskelelerine çok mürzemiş Ermenilerin Zeytuna mihned olan her türlü harekat ve mürurundan haberdar kalmak ve büsbütün Balkan ve Sinkistandan ibaret olup eşkiyalıkla olan Nacarlı Cerid Bozdoğan Afşar aşairinin vasatı bulunmak hasebiyle fırka-i aslihaya kabul ile kaza merkezi ittihaz edilmiş idi. Hükümet göksun’a nakledilir ise Zeytun ve maruzayı machulül ahual birçok eşhası muzırranın Kemal-i suhuletle müruruna meydan Verileceği gibi aşairi merkume eşkıyasının dahi ahali-i mahalle-, mutianın can mal ırza taşalluden şle ihlal-ı asayiş edeceklerini ve bu yüzden devletimizce vukuat-ı azime vukuunun melhuz bulunduğu buda siyasi muvaffak… azamıyla keşfedilir ise tahakkuk edeceği dergar Göksun’un merkez-i hükümet ittihaz edilmesindeki teşebbüsat mahza Göksun’un bir çok araziye malik olan ve Maraşça mevki-i sergarda bulunan zevat-ı kiramın temin-i menfaatlerinin başka devletçe mucib menfeat bir şey değildir. Göksun o kadar haiz-i ehemmiyet bir mevki olsa idi siyasiyyundan ve devletçe hüsn-ü hizmeti meşhur olan merhum Zeytun kumandanı Tahsin Bey tarafından münasip olduğu arz edilir idi. Bu zatın sanayıh-ı ebedisi umumen bizleri müteessir etmişdirki icraat-ı hasene ve muamek-i siyasiyyesi semeresi olarak zaman-ı memuriyetinde asayiş-i mahalle tamamıyla takarrürü istirahat ahali kesb-i tekemmül eylemiş idi. Merhum-u ileyhin vefatından beri eşkıyalar tuğyan ederek yalınız kazamızdan yüzü (100) mütecaviz hayvan sirkat vukuatı meydana gelmiştir. Ahalimizin istirahatı kumandan-ı merhumun icraatına muadil ve tarik-i adalete salik bir zata muhtaç olmakla icrayı icabının temin buyurulması ve hükümetinde şimdiki gibi Andırın kasabasında kalması olmadığı surette kaza-i ahere hicrete mecbur olacağımızı lisan-ı umumiyetle arz ve istirham ederiz. 27 temmuz 1322

Ahali umumiye namına Andırın kasabası imamı Ahmed Kasım

Umum ahali namına kasaba muhtarı veli